對與錯

我覺得好多人連根本的對與錯都分唔到

就好似幾年前流傳一張馬來人騎摩多載一家大細回鄉過年的圖片，大家都覺得好感動好慘個爸爸好偉大，冷血嘅我卻只睇到：

犯法
危險

如果有意外嘅話就真係：含家鏟

又好似最近大家好感動嘅警察叔叔放過揸車聽電話嘅人民咁，冷血嘅我冇感動之餘，仲覺得大家好戇鳩。

第一，條友揸車講電話，係犯法。

第二，會造成交通意外，佢自己死就好，唔好累人。

第三，警察叔叔失職

第四，share牙果條友仲係議員，law maker，都唔尊重法治

錯到利物浦大家都唔覺有問題。

我記得有個故事大概係咁講，有條友因為窮，餓得濟偷嘢吃，結果俾人捉到告上法庭，法官依然判佢有罪。

不過之後個法官講：我係法官，要維持法治精神，我一定要判佢有罪，但係身為一個人，我覺得應該幫助佢，所以我請在座大家一起捐少少錢，幫佢還罰款，同埋鼓勵佢生活下去。

可能你覺得我老星生活耐咗，乜差都law by law好狗，但係你諗下，呢d就係造成今日嘅馬來西亞嘅其中一個基本原因。

Edit:

我覺得需要補充一下：

我唔係主張嚴厲執法就可以杜絕犯罪，講到尾人性是複雜的，stick and carrot，唔同嘅方法對唔同嘅人有唔同嘅效果。

我想探討嘅係家下社會群眾對對與錯同埋法治精神嘅態度。適度嘅寬容唔係唔好，但係過分嘅感情用事就會對社會體制造成一定嘅破壞。

你想留一個什麼價值觀的社會俾你嘅下一代，是一個值得深思嘅問題。