《When》by Daniel Pink

其實會搵呢本書來睇完全係因為某天在地鐵上睇到有人睇我先跟風，睇之前完全唔知本書關於咩同埋個作者寫過啲咩書。

本書其實唔長，道理也淺白易明，一般嘅暢銷書都係咁樣。

本書主要係講timing，時機。

作者認為市面上太多書教人做啲咩同點樣咗，而冇教人幾時做。

不過讀完本書之後佢都係冇教到我幾時做。

講笑啫。

其實咩時候應該做乜嘢除咗科學之外，都可以好藝術，同埋有少少講運氣。

君不見老妖怪作惡多年，竟然都可以臨尾執返個彩，華麗轉身成為救國英雄，你就知道佢行運行到腳趾尾。

所以就算你機關算盡，都唔會有100%成功率，亦唔會有100%失敗率。

所以做人嘅嘢唔好咁執著，有時唔係你做得唔好，唔係你唔夠努力，係你黑仔達，係個宇宙同你作對啫。

不過如果你下下都係失敗嘅話，就肯定唔關運氣事了。