BMF和1MDB

BMF是一個馬來西亞馬來人同新加坡唐人在香港呃政府錢嘅故事。

故事中嘅政治人物到今日仲活躍緊。

持平而論成件事本來唔關老馬嘅事，但係後期佢疑似用BMF嘅錢來炒錫嘅價錢炒燶咗同埋嘗試幫手掩蓋成件事來包庇同僚而俾老林入佢數。

其實主謀應該係故里同Musa Hitam。

不過最後武士，冇人需要負責。

蒸發嘅馬幣保守估計為25億，大部分來自國油和PNB。

1MDB前身係丁加奴投資公司(TIA)，先先係要賣回教債券集資來救白毛嘅建築公司，跟住雞哥同丁加奴大臣在賣債券嘅議題上意見不合，雞哥硬硬搶過來放中央變身成為中央政府嘅投資機構。

肥仔劉嘅角色係做中間人，氽中東佬買回教債券，再從中抽傭，再kick back俾雞哥，大家有錢齊齊搵，不亦樂乎。

跟住到咗2013年大選，雞哥需要大量現金來“支持”支部和盟友，肥仔劉或者雞哥出條屎橋，用假公司來同1MDB交易，將中東佬投資嘅資金轉出來做大選基金，跟住就出事鳥....

不過所謂嘅2.6B係就係有過阿雞哥嘅私人戶口，不過雞哥最後真係歸還咗大部分，而冇歸還嘅部分的確有拿來還信用卡，買包包手錶等等，不過大部分仍然拿咗來應付2013嘅大選。

不過in the end我覺得雞哥都係最後武士，因為d錢係肥仔劉and中東friends以慈善捐款名義來捐俾1MDB同埋雞哥，而且好多包包名錶豪宅等等都係肥仔劉送或者以特價賣俾雞哥。

所以最後會出事嘅應該係肥仔劉and friends而已。

而作者對比咗兩單嘢，1MDB比較聞名係因為家下科技先進，互聯網爆料方便，再加上當年BMF有國油幫手補飛而1MDB剛剛遇到油價低迷嘅時間國油冇錢救，咁雞哥先用到人民嘅錢人民先會feel到肉痛。而且BMF冇直接證據證明老馬係主謀而1MDB雞哥話冇份真係幾難搵人相信。

所以呢個回合老馬贏，雞哥慘敗。