其實睇了第一集之後有搵過原作來讀，不過呢位西方嘅金先生同果位東方嘅金先生一樣，十分長氣，又喜歡用埋啲我唔識嘅英文形容詞，所以我連第一章都未睇完就棄書咗！（不過後來我又去Google Book度買咗本放住，等失眠瞓唔著或退休之後慢慢睇。）
雖然冇睇過原著，但部戲唔會有“你睇過原著你就會明嘅啦”嘅劇情，三小時都冇一部分會令我紛紛欲睡。
開頭都幾恐怖，不過慢慢就被轟炸到疲勞，一個鐘後啲所謂恐怖畫面唔知點解令我覺得十分惹笑，難道這就是傳說中嘅：驚到笑？
尾段大戰雖然有啲拖，同埋最後打敗牠嘅方法有啲囧，不過整體來說還是夠緊湊夠緊張的。
有部分令我想起Starnger Things，也有部分怪物造型令我想起日本的百鬼夜行。
最後想說的就是：溝女來講一定要有才華同靚仔，如果冇才華嘅話靚仔都得，有才華但唔靚仔就唔得。（公平咩？）
四星，喜歡恐怖片怪物片嘅一定要入場。
No comments:
Post a Comment