Scam Me If You Can

俗語有話：做老千梗好搵過皇帝，老千呢個行業可為曆久不衰。

本書嘅作者本身都係一位老千，正確來講係一位改邪歸正嘅老千。電影《Catch Me If You Can》嘅主角就係以佢來做藍本。

雖然話騙徒手法層出不窮，書裡面講嘅基本上我都嚮報紙雜誌網上巴剎姨媽姑姐同埋隔離阿陳生度聽過，問題係依然每日有人上當，點解呢？有啲因為貪，有啲因為太善良，有啲為愛情，有啲係純粹蠢。

所謂知己知彼，百戰不殆，我建議大家不妨讀一讀呢本書，至少可以了解騙徒慣用嘅手法，提防瀨嘢。

如果不幸真係瀨嘢，不妨講出來俾大家笑下，啊，唔係，係警惕大家，以免成為下一個受害者。