2019大事記

好似好多年都冇寫大事記咗，不過今年下半年發生咗好多會影響我一生嘅事，所以今年我一定要寫底記錄落來。

又轉工，點解我講又嘅？

由於工作係project base，所以我通常都一兩年就會換工。不過今次有啲特別，因為間公司我斷斷續續都做咗差唔多十年，曾經一度我認為我會做到退休咖！不過可惜事與願違，最後我都係選擇離開。

中年轉工其實都幾大風險，因為如果唔適合嘅話你要搵新工冇年輕時咁易。而且未必搵得翻咁上下人工，隨時pay cut，我就中過一擺！好彩新公司上司同同事都OK，暫時做得都算開心，雖然工時比較長，但實際負責嘅範圍細咗，感覺仲清閒過上一份。

放棄馬國公民

嚮新加坡生活接近七年後，2019年九月，我放棄咗馬國公民，正式移民新加坡。

其實一開始都有啲掙扎，要放棄之前馬國建立的一切，在新加坡從新由零開始，再加上唔知二十年後會唔會後悔嘅不安，初初真係唔知應該開心定唔開心。不過我覺得冇辦法再拖落去，驚老啲要申請會更難，兩頭唔到岸，所以點都要做一個了結。

上車

2019年十二月搵到咗適合嘅單位，現在搞緊手續上車中。終於有個自己地方，心都安定啲。不過未來二十年俾佢綁死，嗚啊！

今年下半年真係人生轉捩點，轉工移民上車一次過來，希望2020年搞掂間屋之後可以真正安定落來。

祝大家有個美好的2020年。