Frozen 2

第一部的故事已經相當完整，沒有什麼大坑，所以當知道Frozen有第二集時都很好奇還有什麼故事可以講。睇完之後發覺：原來真係冇咩故事可以講咗。

第二部依然延續第一部嘅風格，劇情基本上用唱歌來表達（除咗好叻講故事嘅Olaf），剛啱我又睇咗老高最新一集，所以我都很認同唱歌比講嘢容易表達情感。

不過呢部嘅歌就冇咁洗腦，傳唱度應該不會高，至少我街上冇聽到啲細路響度：哦哦哦哦~

呢部笑料比上一部多，尤其時中段仿90年代MV果段，笑到我giap giap聲。

可能因為相隔六年，導演想target當年睇完第一部今日已經進入青春期嘅觀眾，所以注入咗啲教導青少年嘅人生道理，例如當阿娜感到迷茫，唔知點做嘅時候，導演就叫阿娜不要想太遠，專注do the next right thing，一步一步來。

其實成年人有時都會感到前途茫茫，唔知點算，我覺得學下阿娜，do the next right thing，你就可以一步一步慢慢返回正軌。