大概廿年前（乜咁耐嘅啦？😭）,因為大學課程嘅需求，我哋一定要去實習三個月，以便為畢業後進入職場作出準備。
好多公司認為實習就係來我公司學嘢，學嘢仲要我出糧俾你？咪玩啦...因為工錢低嘅，所以好多同學都決定返鄉下實習，一來鄉下使費低，二來有父母接濟。
我自己就同另一個同學搵到一間响Pandan Indah嘅工程顧問公司，月薪三百大圓，以當年嘅Standard來講係夠食兩餐，不過transport同屋租就要倒貼。
入到公司之後我哋被派去兩個唔同嘅mentor，佢under一名外籍工程師而我就under一名馬拉唐人工程師。
我同學個mentor好有heart，安排咗好多嘢俾我同學做，又個個禮拜同佢briefing，當年好羨慕佢學到好多嘢。
而我個mentor就好忙，日日行出行入，唔得閒理我，搞到我日日返公司淨係吹冷氣睇報紙。冇嘢做唔係問題，問題係我份report冇嘢可以寫先大鑊。
最印象深刻嘅一次係我返工時間响度睇緊報紙，我個mentor行過，突然停低，我望住佢，心諗：呢次大檸樂鳥...
點知佢開口問：你份報紙睇完可以借我睇冇？😂嚇到我心離一離。
雖然工作上學唔到啲乜，不過三個月來鑽研星洲日報嘅日子埋下了我日後成為網上政治撚嘅種子。
更何況家下睇返轉頭，日日返公司吹冷氣睇報紙月尾準時出糧，簡直就係dream job啊！
No comments:
Post a Comment