移居S鎮

今日終於正式由C城移居去S鎮。

一開始啲人聽到我要搬去S鎮，佢哋嘅反應是咁的：

“吓，S鎮，好山卡啦嘅喔...”

“S鎮冇好嘢吃㗎！”

“點解唔買返C城？或者西邊？”

大佬，鬼唔知阿媽係女人咩？有錢我都想買O城，行路就可以去排隊買LV添！

問題係哪有錢？

不過今日來按電視嘅工人就有唔同嘅睇法：

“呢度好啊，完全聽唔到車聲，夠曬靜！”

何止啊，早上還有蟲鳴聲將你叫醒添！

當然我冇咁應佢啦。

不過好彩阿嫂都好包容，而且佢話郊區冇咁多灰塵，雖然佢依然堅持要買大神。

而我自己本身就冇乜所謂，反正清潔都唔係我強項，阿嫂話點咪點囉。