黑仔達

有時真係覺得自己好黑仔達。

明明本身已經冇乜野心，只想係想不求有功但求無過地安安分分打份工，但偏偏就每兩三年就要經歷一次換公司換地點嘅不安。

之前有前輩同我講過，我地做project嘅就好似nomad咁，邊度有project我地就去邊。當時我同自己講，三十歲過後我就唔再跑project，要在一個地方settle down，結果遲咗十年，先嚮老星定居落來。

雖然沒有再從一個地方搬到另一個地方，但還是逃不過每兩到三年就要轉換公司嘅命運。

大約一年半前加入依家呢間大企業，諗住今次終於轉運。雖然係合約員工，但打聽之下有其它同係合約員工嘅同事都可以每年更新直至成十年，以為自己最少都可以混個五年啦！點知今年突然來個武漢肺炎，結果奶曬大嘢，合約被提前終止，又要搵工，唉。

如果後生十年我就唔驚，但係家下四張幾濕熱，高不成低不就，就算俾我搵到，又要重新夾過，萬一唔夾都唔知走定唔走好...

徬徨歸徬徨，路還是要硬著頭皮走下去，努力做個打不死的黑仔達！