2021年中場報告

聽日就係2021年7月1號，病毒依然存在。

睇番舊年嘅中場報告，我天真咁認為病毒會嚮年尾消失，點知人算不如天算，一年後仲多咗好多變種病毒添！睇來冇辦法，我地注定要改變生活方式，要與病毒共存一個三五七年。

今年上半年投資動作回復正常，還開咗SRS和setup咗個robo- advisor投資戶口。現在我個投資組合係我退休目標嘅10%，雖然慢但最少係有進展。

而且啲裝修同傢俬嘅債已經清得七七八八，希望下半年可以加註或儲多啲錢。

本來今年計畫出去旅行玩下，但睇情形到明年都唔知有冇得出國。

瘦身同閱讀計畫也是off track，工作太累了，放工後根本唔想郁。

不過最近公司開始請人，希望多個人多雙手，下半年個工作環境會有所改善。

而瘦身方面我會試下intermediate fasting，反正家下WFH，可以試下一個禮拜skip幾日lunch，睇吓有冇效。

希望年尾可以返去72kg，或更低。

加油！