低端中國

 

齋睇本書名，你一定會認為呢本書又係啲死鬼佬眼紅中國崛起而寫嘅辱華書！

讀完之後你會發覺，條鬼佬只不過係關心緊黨用完即棄嘅農民工。

大陸有今日其實都係靠呢班農民工嘅廉價勞動力，先會贏得世界工廠呢個朵。進步後嘅大陸，工廠自動化，呢班工人就成為咗棄嬰，俾趕返鄉下自生自滅。

真係馬克思都會俾黨激到翻生！

我算係有同呢啲農民工接觸過，佢地真係好慘。除咗收入低之外，從事勞動嘅佢地餐餐都只有湯撈飯，一個星期只係有一餐肉吃！

其實呢啲問題好多發展中國家都面對緊，例如馬拉同新加坡都有呢個問題，只不過新加坡能夠利用教育轉型，令人民可以用腦力instead of勞力來搵吃。馬拉就冇咁幸運了，家下仲嚮middle income trap度出唔到來。

作者認為大陸再唔正視呢個問題，貧富懸殊繼續加大嘅話，社會就會分裂，就會支爆。

不過以我所知大陸人咁愛國，一定唔會容許咁嘅事情發生嘅囉。