其實都幾好睇。
不過豬肉在前，《復聯》風頭太勁，狐狸又唔夠米奇老鼠財大氣粗，有比較就有傷害，X-men確實係差咗幾皮。
作為一個系列嘅終結，做得唔夠煽情，情節又有d亂，人物塑造又唔夠鮮明，令觀眾好難投入。
雖然電影個時間線設定在90年代，不過我睇唔到乜嘢90年代嘅元素，服裝部道具部幫我炒曬佢！
雖然我都叫做有跟開呢個系列，知道有d人物關係同埋個時間線，阿嫂就睇到有d一頭霧水，一直問我阿珍唔係狼叔條女咩？點解家下同鐳射眼拍拖嘅？點解阿珍咁勁又咁易俾狼叔搞掂嘅？
呢個世界唔係所有問題都有答案嘅...
撇除劇情，今集個effect同配樂做得真係好好，尤其是大師級配樂師Hans Zimmer嘅配樂，真係一流！
快銀嘅特技依然酷炫。
整體來講都有四星，如果冇同《復聯》比較的話。
如果你有追開X-men嘅就入場睇埋佢啦，因為可能冇下集了。
No comments:
Post a Comment