2020年中場報告

話咁快一眨眼就來到2020年嘅7月，半年就咁過去咗。

本來打算今年4月中搬去新屋，點知因為武漢肺炎嘅爆發，間屋嘅裝修停咗兩個月，搞到原本嘅計劃全部亂曬。不過呢個月頭間屋嘅裝修已經復工，預計7月中左右可以起貨。希望7月尾可以入到伙。

今年前半年嘅投資比較少動作，一來因為間屋需要用錢，二來因為個病毒搞到人心惶惶，隨時會失業。不過好彩暫時我份工係安全嘅，應該可以頂到明年。雖然個投資組合仲係紅色，不過我唔急住賣，仲有三五七年可以等佢變青。

又係因為個病毒，所有需要我去馬來西亞搞嘅嘢全部延遲，而且個邊界到宜家都未開，希望今年年尾前可以搞掂。

今年唯一on track嘅就係閱讀計劃，半年來已經讀咗11本書。其它果啲咩旅行同埋瘦身計劃都要推遲到下半年，尤其係旅行，今年應該都冇咩機會了，除非係本地旅行啦...

希望下半年個病毒可以快快消失，股市可以快快變青，肚腩可以快快變平。