Boundaries

果日阿嫂瞄一瞄我睇緊嘅呢本書：做咩你睇耶穌書？又God又剩？

呢本書真係引用咗好多聖經入邊嘅“經文”，我一開始仲會讀下，然後到咗最後個chapter我係飛住過。學某啲信徒話齋，我應該係同穌哥未connect。

撇除引用聖經嘅部分，其實呢本書真係寫得幾唔錯，非常適合好似我呢庭唔識拒絕人嘅爛好人睇。

作者教我哋做人唔好好似Laughing哥咁，一定要有底線，俾人踩到條底線就有要say no，要識得拒絕人！

作者用類似果日我响老高嗰度學返來嘅弗洛伊德學派咁解釋，要拒絕或者接受另一個人嘅建議係你嘅責任，對方對你嘅決定感到開心傷心憤怒係對方嘅責任。

作者嘅另一個point令我諗起我第一個老細同我講過嘅說話：出來做嘢要識得保護自己，人地踩你線嘅時候就要反擊，記住你唔係害緊佢，你係保護緊自己。

五星，推薦俾所有爛好人。