The Time Cleanse

上天係公平嘅，從你出世果一日開始，每個人一日有24小時，直頭你瓜老襯果日。

咁點解你嘅時間會唔夠用呢？作者用咗以下呢個例子：

想像一下，你响屋企處理緊公事，你個細路走埋來同你講：爸爸，陪我玩陣啊？

你係咪會答：爸爸唔得閒，你自己玩啦。

換個場景，同樣你响屋企處理緊公事，你個細路走埋來同你講：爸爸，我唔小心割到手...

你係咪會掉低啲嘢然後幫你個細路處理咗個傷口先？

（對唔字，單身狗...）

因為priority唔同丫嘛。

所以作者認為我哋應該利用有限嘅時間來處理對自己最重要最在乎嘅事。

作者提議用五個步驟來系統化時間管理：

1. 了解咩對自己來講係真正重要嘅嘢

2. 認知你家下嘅時間用咗去邊

3. 擺脫果啲曬緊你時間嘅污染物，例如日日花幾個鐘上FB（咦？）

4. 攞返你嘅時間

5. 將攞返嘅時間重新投資响你認為重要嘅事，例如响FB寫廢話（咦？）

作者建議咗唔少詳細嘅方法同表格來進行以上嘅步驟，有興趣嘅朋友可以搵來睇睇。